Stilluzza, chi te lievi la matina, canto popolare di Aiello

Canto popolare di Aiello Calabro, dalla raccolta di Giovanni Solimena, tratto da Rivista delle Tradizioni Popolari Italiane, diretta da Angelo De Gubernatis, Anno II, fascicolo I, Roma Tipografia Forzani e C., 1894, pagg. 384-387. (Segnalato da Goffredo Plastino).

CANTI POPOLARI
RACCOLTI IN AIELLO DI CALABRIA.

Illustre signor Professore,
Nelle mie vecchie carte ho trovato una manatina di canti popolari aiellesi, che mi affretto a trascrivere per la sua Rivista.
Essi sono ben piccola parte della mia raccolta. Della quale buona porzione pubblicai, con opportune osservazioni, or fan sei o sette anni, su vari fogli letterari, tra i quali noto di volo il Pensiero de’ giovani di Campobasso, il Movimento calabrese di Cosenza e la Cronaca rossa di Milano; ed il resto trovasi, credo, tuttora inedito, nelle mani di un mio egregio amico e col lega, cui ne feci dono.
Dio voglia, illustre signor conte, che possa tornare a’ miei studi prediletti, libero dalle cure professionali, dalle quali per necessità or non mi posso distogliere.
Sarei lietissimo allora di portare frequente il modesto con tributo dell’opera mia al grande edificio nazionale, pel quale Ella, con intelletto d’ amore, ha gettato solide fondamenta, così che con orgoglio potrebbe il noto verso d’ Orazio fin da ora ripetere :
Exegi monumentum aere perennius.
Mi creda sempre
di Lei sincero ammiratore Avv. G Solimèna.

Stilluzza, chi te lievi la matina
d’ oru e d’ argientu carricata vai ;
quandu te lievi te parti ‘sta scrima,
a llu tu’ amante prejare lu fai.
Tu si cumu la rosa a llu jardinu
chi cchiù te crisci cchiù bella te fai;
tu si cumu la frunda de l’aliva
sta’ sempre virde e nun spàmpini mai.

Dimmi, brunetta, si t’ arde llu core
quandu la notte me sienti cantare;
te pigli lu fusillu ed iesci fore,
dici a lla mamma « ca vaju a filare ».
Si màmmata nun vue chi iesci fore
vatinde a lla finestra a lacrimare;
tu lacrimi de intra ed io de fore:
pena chi nun se può mai supportare.

Bella, ccu ‘ssi capilli ‘nnanellati,
treme la terra quandu li sciunditi:
vene la festa e ve li pettinati,
‘ncapu ‘sta ianca faccia li teniti.
Vene la sira quandu ve curcàti,
a luna fa la ninna e vui dormiti;
vene lu juornu quandu ve susìti
‘a spera de lu sule trattenìti.

De ccà cce su’ passatu mo fa’ n’ annu,
ccu ss’ uocchi ce àvìe fattu ‘nu disignu.
Te priegu, bella, ‘nu piacìre famme
de nduve m’ avìe scrittu scassaminde ;
ca su’ lli gienti tue tantu tiranni,
rèscere nun mme fannu ‘sstu disignu.

Nu paru d’ uocchi nìvuri cosa grande!
La guardu, la guardai, cadu malatu.
U mièdicu cce vene la matina:
« Stu giuvaniellu è troppu ‘nnamuratu ;
si nun cce vene lla bella a vidìre,
dumane, puvariellu, è sutterratu! »

Vurrie mandare nu suspiru ‘n’aria!
Lu manda ‘nduve va lla mia memoria;
lu mandu a chilla banda sulitaria
‘nduve la bella mia fa festa e gloria.
Ca sì la sorti; nun me va cuntraria
spieru de ‘ndè portare la vittoria!

Bella, eh’ alh uocchi tue cce su dui dardi!
Ferìscianu lu core a echi t’ ammieri;
‘e petre chi scorpisci bruci ed ardi,
l’uomini pazzi savi li fa’ jire.
Te priegu, bella mia, chi Dio te guarde,
reprinda st’ uocchi ca me fa’ morire.
E quantu è duce lu vostru risguardu !
Tieni lu mele ‘mbucca quandu ridi!

Brunetta, chi te pèndanu ssi lazza,
ed alla testa tua galante trizze !
Te pèndanu le rose a mazza a mazza,
culonna lavurata de bellizze.
Quandu me scùonti ccu ‘ss’ uocchi m’ammazzi
ed allu core fuocu mi cce attizzi;
n’ ura te vulerrie dintra ‘ssi vrazza;
cent’anni camperle de cuntentizza!

Ora me partu e ‘stu core te lassu,
e ccu gran’ chiantu a lla spartenza mia;
me partu de lu giocu e de lu spassu,
me partu de chi bene me vulìa.
Quante pedate chi de tie m’ arrassu,
tante funtane fanu l’ uocchi mie.

Dicìtime de mie vui echi vulìti,
quandu passu de cca me taliati;
li fatticielli vuostri ve taciti,
de chilli ‘e l’atri vui nun ve ‘mportati.
Nun haiu, amore mio, nun haiu a core
de te mandare a dire cumu staiu,
te mandu li suspiri a tri ed a dui
e de risposte nunde viju mai.
Furtuna, ‘sta risposta la sapìe
de fùrnere li juorni e pue li guai.

Gioia, de nduve te vinne tantu affettu;
ca nun ripuosu nè juornu nè notte.
La memoria tua è sempre sperta,
‘n’ura nun puodi avìre de cunfortu.
Si m’hai d’amare diciamillu certu,
ca ppe l’amure tuo priendu la morte;
si tu me circhi l’ arma de ‘stu piettu,
bella, ma caccili e ti la viegnu puortu.

Spinnu de l’arma mia, rosa ‘ncarnata,
tu si refugiu de ‘st’ amara vita.
Ccu tie nun c’è bisuognu de ‘mbasciata,
ca tinde tira ccu lla calamita.

Affritti siensi mie, marturizzati,
si n’ ura de ripuosu nun l’ aviti,
sera la mia furtuna sventurata
ca va cuntra de mie la stella unita.
Chissu ve dicu e vuogliu chi sapiati
ch’allu mundu cce stanu guai ‘nfiniti.

All’ ura chi te vitti io già t’amai,
e dissi amare nun te puotti cchiùi;
bella, de ‘st’ uocchi tue me ‘nnamurai,
pigliai ppe te lassare e t’amu chiùi.
Cumu un te vuogliu amare tantu assai,
mentre lu core mio l’aviti vui?
Rapra ssu piettu mio ca viderai
ch’ io signu senza core e tu ccu dui.

Tròvete amante, ca m’haiu trovatu
nu giuveniellu maggiure de tie ;
de miegliu sangu e miegliu parentatu,
crepati si nd’ aviti gelusia.
E chiavi de llu u piettu m’ ha dunatu
chi rapisse e chiudisse a voglia mia;
de ‘na cosa sula m’ha privatu
mo vasciu l’ uocchi quandu viju a tia.

Aiello in Calabria.